When I get off of this mountain...

Við hittumst nokkur um helgina og gláptum á hina yndislegu The Last Waltz, konsert/heimildarmynd um The Band. Bandið hefur reyndar verið alveg á skallanum á mér undanfarnar vikur, enda einhver besta hljómsveit sem sögur fara af. Kántrý, sál, rokk og RnB, The Band er með það allt. Allir kunnu að syngja og allir spiluðu einsog hetjur (ég veit að Last Waltz var mikið óverdöbbuð, en meira-alvöru-live-heimildin "Rock of Ages" talar sínu máli). Ef þú hefur ekki hleypt Bandinu inní þitt hjarta, þá er það kalt og myndar tómahljóð þegar í það er bankað. Byrjaðu bara á best-of disk og horfðu svo á Síðasta Valsinn. Tvímælalaust besta tónleikamynd ever (deilir reyndar toppsætinu með þessari hér).

Ég þarf vonandi ekki að kynna þá ýtarlega fyrir ykkur, en stiklað á geysistóru: Þeir byrjuðu sem The Hawks undir leiðsögn Ronnie Hawkins, gerðust svo undirleikarar Bob Dylan á "JUDAS!" tímabilinu. Sömdu svo með honum tonn af efni sem var seinna gefið út sem fjársjóðurinn 'Basement Tapes'. Fengu díl gegnum Dylan og gáfu út 'Music From Big Pink' og slógu í gegn hjá sælkerum. Svo kom 'Brúna Platan', samnefnd þeim. Þessar tvær meitluðu nafn þeirra í demant og eru ógurlega geggjaðar. Lög einsog 'Cripple Creek', 'The Weight', 'Rag Mama Rag', 'The Shape I'm In' og 'Whispering Pines' eru frá þessum tíma.

Svo komu ögn síðri plötur, live pakkar og að sjálfsögðu SUKKIÐ gamalkunna. Richard Manuel píanisti/söngvari fór verst útúr ruglinu, var kominn í átta flöskur af Grand Marnier á dag þegar Last Waltz kom út. Sýnilega hellaður á því í myndinni. Af seinni tíma plötunum er 'Northern Light Southern Cross' best, lagið 'It Makes No Difference' er unaðslegt. Robbie leysti svo Bandið upp eftir TLW, orðinn þreyttur á að túra kallinn (líka því Richard var að drepa sig á rokklífinu).

Levon Helm trymbill/söngvari og Garth Hudson orgelséní eru enn að túra með einhverja afbökun af sveitinni. Þið getið eflaust séð þá í Holiday Inn í Splendid Lake, Missouri. Robbie Robertson gítaristi er besti vinur Martin Scorsese (leikstjóra TLW) og sér oftar en ekki um að velja tónlistina í myndirnar hans. Greyið Richard Manuel hengdi sig '86 (á Band comeback túr) og Rick Danko (bassi/söngur) lést í svefni '99.

OK, tvö lög frá Last Waltz tímanum:

Blússandi kántrí með englinum Emmylou:
The Band & Emmylou Harris - 'Evangeline' mp3

Og Robbie í sjaldheyrðu lead-söngvara hlutverki:
The Band - 'Out of the Blue' mp3

Hot Scandinavian Chicks!!

Jónína skrifaði um hina sænsku Lykke Li fyrir einhverjum misserum og síðan þá hefur hnátan sprungið einsog knalletta. Öll blogg og hjörtu loga þegar nafn hennar ber á góma, enda einstaklega hæfileikaríkur og spennandi listamaður. Elektrókrútt. Hér höfum við remix eftir hinn eina sanna Fred Falke:

Lykke Li - 'I'm Good, I'm Gone' (Fred Falke Remix) mp3




Síðan höfum við íslandsvinkonuna Annie frá Noregi. Hún er ekki með eins mikla krúttstemningu og Lykke Li, mun meiri svona femme fatale og hjónabandsdjöfuls fílingur. Hér er hún alger homewrecker á diskóteki. Endurhljóðblandað af Get Shakes:

Annie - 'I Know Your Girlfriend Hates Me' (Get Shakes remix) mp3

"I used to be a werewolf but I'm alright NOOOOOWL!"

Ég hef vart getað hætt að hlusta á hinn ensk/losangelesíska Woolfy undanfarið. Smooth og sumarlegt snekkjudiskó sem hentar stórkostlega þegar við erum í einkaþotunni, í strandkofanum, á diskótekinu nú eða bara í sleik uppí sófa.

Ef þú hefur áhuga á smekklegri tónlist sem breytir lífi þínu í stöðugt sólsetur og kokteilboð þá muntu elska Woolfy.

Woolfy - 'Oh Missy' mp3
Woolfy - 'The Warehouse' mp3
Low Motion Disco - 'Things Are Gonna Get Easier' (Woolfy Remix) mp3

Hallæriskúl Helgarinnar

Bay City Rollers þykja ekkert sérstaklega smekklegir eða móðins í dag. Þeir þóttu reyndar aldrei móðins, trítlandi í köflöttum samfestingum og fermingarstúlkuöskri á tímum pönks og nýbylgju. En mér finnst eftirfarandi lag þó alveg stórskemmtilegt. Gæða poppdiskó sem lætur mann vilja skipuleggja hópdans úti á götu með froðuvél og lifandi blómum.

Bay City Rollers - 'You Made Me Believe In Magic' mp3

Ég skora á borgarbúa að syngja ekki með í viðlaginu og hamra á skrifborðið/stýrið með lúft-trommukjuðum. Ómögulegt.

Meira Grateful Dead?!

Já það held ég. En ég er þó nokkuð öruggur um að það muni lítið spyrjast til þeirra á þessu bloggi eftir þetta. Sorrý GD aðdáendur... eða þú veist, sorrý GD aðdáandiii... nú eða öllu heldur sorry enginn.



Anyway, einsog bókstaflega ALLIR skallapopparar þá stukku hinir Þakklátu Dauðu á diskóvagninn og gerðu hina bullandi grúfí plötu 'Shakedown Street' árið 1978. Veit ekki hvernig aðdáendurnir tóku í þetta en GD voru amk snöggir að skipta aftur í sólmyrkvasýru eða hvað sem hægt er að kalla þvæluna sem þeir gerðu venjulega. Og glaðir aðdáendurnir héldu áfram að vera misheppnaðir og atvinnulausir hippar.

En ykkur er óhætt að digga þessi tvö lög:

Fúnkí strandarfílingur, hljómar soldið einsog Fleetwood Mac á Bob Welch tímabilinu.
Grateful Dead - 'Fire On The Mountain' mp3

Og titillagið. Alveg glimrandi grúf og diskóbassi einsog flauel:
Grateful Dead - 'Shakedown Street' mp3

sumarstemningslag

Indielag svona for the road

David Karsten Daniels - 'Martha Ann' mp3

The Gilded Age

The Gilded Age koma frá Minneapolis og spila folk/rock country músík. Áhrifavaldalistinn þeirra gæti ekki verið betri, frá the Byrds og Flying Burrito Brothers til the Doobie Brothers og Violent Femmes, ég finn einnig fyrir Poco. Frábært band, frábærir krakkar og ekki með samning! Gullnáma þarna. Hér er myspaceið þeirra.


The Gilded Age - 'St. Kate' mp3


The Gilded Age - 'Southern Girl' mp3

Fyrsta uppáhalds lagið mitt

Ég er að uppgötva tónlist.is núna. Margir vina minna sem eru tónlistarmenn eru ekkert voðalega hrifnir af þessu batteríi, þar sem að þeir eiga það til að selja tónlist að tónlistarmönnum óforspurðum, en hvað varðar gamla íslenska tónlist er þessi síða alger gullnáma. Á fyrstu árum síðunar virkaði hún bara fyrir windows, en nú eru þau komin með glimrandi fína mp3 fæla í 192k og aac fæla í 320k, þannig að gæði skránna sem þau bjóða upp á eru alveg frábær orðið.

Í gramsi mínu fann ég plötuna Deio með Ladda. Ég átti hana á kópíeraðri spólu þegar ég var lítill útí svíþjóð, og hlustaði á hana ótt og títt. Sérstaklega var ég hrifinn af Búkolla, sem er mjög skrítið nýbylgjureggí lag fyrir börn. Mig grunar að þetta hafi verið eitt fyrsta uppáhalds lagið mitt, þetta er allavega fyrsta lagið sem ég man eftir að hafa hlustað á aftur og aftur. Mér fannst hljóðheimur lagsins svo dimmur og skrýtinn, og hrynjandinn svo furðulegur, að ég gat ekki fengið nóg af laginu, fimm ára gamall í svíþjóð.

Laddi - Búkolla mp3 - [ég breytti laginu yfir í skítagæði í þeirri von að Sena kæri mig ekki, þið getið fengið það í fullum gæðum á tónlist.is]

» kaupa plötu hér (kostar skitnar 899 kr)

Sál á sunnudegi

Ég vona að helgin hafi verið ykkur gjöful og lærdómsrík. Komst í smá sálarfíling og vona að ég geti smitað ykkur af honum. Þessir þríburar eru allir í soul pleilistanum mínum í tunes (ég kalla hann "Velúr og Sviti").

Willie West - 'Fairchild' mp3
Voices of East Harlem - 'New York Lightning' mp3

Eitt angistarfullt og smooth. Þegar ég dett í ástarsorg þá fer ég alltaf út á haf á snekkjunni minni og hlusta á þetta. Sjávargolan feykir tárunum til hliðar og inn í eyru.
David Matthews - 'Silent running (Here's Whats Left)' mp3

Kóala

Um daginn var ég að sleikja upp ástrali og er hvergi nærri búinn. The Presets hafa verið (skvt. itunes) í miklu uppáhaldi hjá mér síðan 17. desember 2005. Þeir gáfu út 'Beams' árið 2006 sem var full af bombastíkum töktum, kuskugum synthum og afar sérsökum söng Julian Hamilton. Hinn gæjinn heitir Kim Moyes.

Hverju sem líður, loksins er komin ný plata. Hún var vatni ausin og skírð 'Apocalypso' og er hún að mörgu leiti meira af því sama, bara aðeins sjóaðri. Hérna er tvennt sem ætti að koma ykkur í fjórða gír fyrir helgina.

Fínt með bjór og ídýfu, nú eða á þrekhjólinu:
The Presets - 'Kicking and Screaming' mp3

Meira fágað, með múnka-söng. Diskótek í klaustri.
The Presets - 'A New Sky' mp3

OG svo eitt gamalt og sígilt frá 'Beams' tímabilinu:
The Presets - 'I Go HArd I Go Home' (Ascii Disco remix) mp3

George Demure

Við höfum póstað dóti með George Demure áður og því telst hann góðvinur okkar með bökuðum kartöflum. Hann er skoskur elektró-krúner og er þessa dagana að gefa út nýjan singúl af plötu sinni "Boomtown Medallion". Lagið sem um ræðir er ábreiða af gömlum Bowie hittara síðan í fyrndinni. Pínu Hot Chip fílingur, pínu Bryan Ferry píningur. Allt í það heila nokkuð grípandi elektró.

George Demure - 'Sorrow' mp3

Já, heyrðu og svo er hérna remix eftir sjálfan Dave Ball. Hver er hann segirðu? Jú, hann var helmingurinn af Soft Cell. Því er þetta lag með eins mikið eitís kredentials og mögulegt er.
George Demure - 'Sorrow' (Dave Ball Nitewreckers Radio Mix) mp3

Lúxxus

Disco Workout er tvímælalaust eitt af uppáhalds bloggunum okkar. Meiriháttar gæjar frá San Francisco sem pósta diskó, ítaló, elektró, sínum eigin mixteipum og editum og jafnvel nokkrum kántrýlögum inn á milli. Þessir gæjar eru í raun Sanfransiskósk útgáfa af okkur.

Einsog áður sagði eru þeir að gera sitt eigið stöff og dreifa á mæspeis, Baron Von Luxxury og Johnatron þeirra fremstir. Meira stöff með Disco Workout crewinu má finna hér og hér.

Gerið ykkur greiða og skoðið tónlistina þeirra og gerist áskrifendur að blogginu. Þið sjáið ekki eftir því. Hér er töff stöff:

Luxxury - 'I Know There's Something Going On' mp3
Marianne Faithful - 'Broken English' (Luxxury remix) mp3
Josh Wink vs Mr Ozio - 'Higher State of Saxophone' (Johnatron remix) mp3

Óður Gresjunnar

Ég er hægt og bítandi að venja mig af bjórdrykkju og skipta yfir í viskí. Enda að verða fullorðinn og sköllóttur. Það er svo óhuggulegt að mæta í partý með bjór í plastpoka einsog lúði, núna mætir maður dannaður með bús í silfurpela. Það þarf helst að vera single malt, gamalt og frá Skotlandi. Þetta Ammríska er ógeð. Glenlivet er uppáhalds. Líka Macallan og Talisker. Njamm.



Einsog egg & beikon eða Hall & Oates, þá er skoti & kántrýmúsík fullkomin blanda. Eftir áralangan mótþróa gaf ég loksins Grateful Dead séns og tékkaði á kántrýtímabilinu þeirra. Keypti mér vínilana af American Beauty og Workingman's Dead og rannsakaði. Ég fann tvö lög sem eru góð. Ekkert meiriháttar nýting það, en þetta eru svo góð lög að það er OK. Eftirfarandi eru bæði af American Beauty:

Grateful Dead - 'Friend of the Devil' mp3
Grateful Dead - 'Ripple' mp3


Hinsvegar er platan Sweetheart of the Rodeo með The Byrds fullkomin. Hvert einasta lag er glóandi gull og fegurra en spilavítiskvendi. Byrdsmenn og Gram Parsons í essinu sínu. Bjór-númer-tvö lagið 'You Aint Going Nowhere', honkítonk stuðið 'You're Still on My Mind' og fjörkálfurinn 'Pretty Boy Floyd' Standa fremst. Ég fékk mér um daginn svona special edition af plötunni þar sem eru fullt af aukalögum og kokteilsósu. Eftirfarandi lag er eitt af óútgefnu lögunum og ég bara skil ekki hvers vegna það fékk ekki að fljóta með. Ísköld morð-ballaða, sem hefur verið til í ýmsum myndum síðan á 17. öld í Englandi. Hér sett í sveitalubbabúning. Hlustið sérstaklega vel á textann, sem er yfirburðaflottur.

The Byrds - 'Pretty Polly' mp3

Kveldúlfur

Ef þið eruð ekki föst undir þungu fargi þá mæli ég með því að þið kíkjið á Kaffibarinn í kvöld. Þar mun ég vera að spila tónlist og fara með gamanmál og töfrabrögð. Ég byrja amk á því að plötusnúðast og ákveð restina eftir stemningu. Er ekki alltaf rauðvín og brauð á KB á miðvikudögum? Tilvalið!

Fransk-spænska dansskrímslið Golden Bug er að púnga út nýju efni og við vorum svo heppin að fá nasaþef. Hérna, þefið af þessu:
Golden Bug - 'Bisco' mp3

Það er alveg stórhættulegt að koma með yfirlýsingar einsog Flairs eru með í gangi hér. Þeir þykjast betri en Prince í því að spila á bassa, að borða og að (!!) elskast. Reyndar nær Prince manni bara uppí ökkla (þegar hann er á hælum) þannig að Flairs þurfa varla að óttast hefndaraðgerðir.
Flairs - 'Better Than Prince' mp3

Elli Bananas sendi mér myndbandið við lagið, og það er stórfínt. Maður fær alveg handakrampa við að sjá þetta.

Pete Molinari

Kemur frá Englandi og spilar folk/country blues músík. Honum hefur verið líkt við Woody guthrie og Bob dylan, erfitt að trúa að þessi músík er gerð í dag en ekki í sixites eða seventies. Tjékkið betur á honum á myspace síðunni hans og hlustið endilega á "There she Still Remains". Geeeeðveikt!

Pete Molinari - 'I don't like the man that I am' mp3

Þögnin Rofin

Þetta hefur verið svolítið hljóðlát vika hér á diskótekinu í Breiðholti. Einhver trúðurinn hefur stigið á snúru í trylltum dansi og allar græjur í gólfið. Ekkert smá neyðarlegt fyrir þann gæja. En við erum búin að teipa saman kasettutækið og mikserinn og núna ætti stuðið að haldast frameftir sumri.

Einsog til að sanna það eru hérna tvö snælduflott áströlsk lög sem má leggja járnbrautarteina við.

Það er með ólíkindum hvað andfætlingar okkar eru duglegir að gera skemmtilega dansimússík. Van She, Cut/Copy, The Twelves, Bumblebeez, Bagraiders, Midnight Juggernauts, KIM, Miami Horror, The Presets og svo mætti lengi lengi telja! Það hlýtur eitthvað að vera í kóalabjarnarmjólkinni. Hvar fær maður svoleiðis á fernu?

Pnau frá Sydney hafa amk verið að þamba hana af áfergju. TJÉKKIÐ á þessu lagi hérna. Þetta er bara sumarsmellur sumarsmellanna. Er ekki annars vetur í Ástralíu núna? OK, vetrarsmellur þá:
Pnau - 'Baby' mp3

Hitt bandið heitir Theatre of Disco og þau minna svolítið á LCD Soundsystem finnst mér. Þetta er amk flott grúf og ég lýsi því yfir að þetta lag læknar ástarsorg og kveður mánudagsblús í kútinn. NJÓTIÐ!
Theatre of Disco - 'YOA' mp3

Dillið ykkur með Bombadil

Við kynnum til sögunnar Bombadil frá Norður Karólínu.



Bombadil minna mig á The Band, The Avett Brothers og The Zutons. Mjög skemmtileg og hress skógarmannamúsík með mosabragði. Maður sér fyrir sér einhverja náttúruþursa með mandólín og tambúrínur en eins og sjá má á myndinni eru þær býsna mannlegir og fínir í tauinu. Kveikið í náttúrubarninu, borðið smá mold og diggið þessa tóna.

Bombadil - 'Trip Out West' mp3
Bombadil - 'Cavaliers Har Hur' mp3
Bombadil - 'Get To Getting On' mp3

Country Roads

þá er komið að öðru country mixi frá mér. Þetta er frekar fjörugt country mix þannig að það verður ekkert grenjað svakalega mikið, nema þá bara úr gleði. Njótið vel.

Laufey - 'Country Roads' mp3

Tracklist:

1. Sheldon Church Yard - Larry Jon Wilson
2. Silently Sleeping - J.J. Light
3. everybody's talkin - harry nilsson
4. Take Me Home Country Roads - Olivia Newton John
5. If I Could Only Win Your Love - Emmylou Harris
6. See The Big Man Cry - Charlie Louvin
7. Misery Loves Company - Porter Wagoner
8. Above And Beyond - Buck Owens
9. Success - Loretta Lynn
10. A Picture Of Me (Without You) - George jones
11. The Bridge - Dolly Parton

Þamba og Samba

Sumarið verður vakið með offorsi á Organ í kvöld.

Einsog fram hefur komið í fjölmiðlum mun goðsögnin Maggi Kjartans flytja eyrnadjásnið 'Sólarsamba' í nýjum búning, enda lagið 20 ára gamalt í sumar. Auk Magga koma fram Skátar, Kimono, Swords of Chaos og Seabear. Einnig mun ykkar einlægur vera á staðnum til að spila sólarglætur inn á milli atriða og diskótekast fram á nótt eftir að MK hefur lokið sér af.

Mér skilst að Samba-Maggi muni vera með allsherjar hitabeltisstemmara og ausa kokteilum í fötuvís ofan í mannskapinn. Endilega mætið á Organ í kvöld með skitinn þúsundkall í hönd og breytum Reykjavík í Ríóvík.


Til að koma ykkur í pínu stuð er hérna lag með íslandsvonbiðlinum Paul Simon. Lagið er ekki bara sjúklega sumarlegt heldur er Chevy Chase líka í vídjóinu. Nostalgían knésetur mig þegar eg horfi á þetta.

Screamin' Jay Hawkins

Screamin' jay hawkins - 'i put a spell on you' mp3

Screamin' Jay Hawkins - 'i'm your man' mp3

The Alan Wilkis Project

Alan Wilkis var að senda okkur efni af nýju plötunni sinni, 'Babies Dream Big'. Hann kemur frá Brooklyn og segist flytja tónlist sem sé erfitt að negla niður, en er þó rótföst í 70s og 80s soul, elektró og -(töfraorðin mín)- soft rock. Ég er sammála hans eigin mati. Pínu einsog eldri, ekki eins graður bróðir Johnny Sexual.

Skemmtileg og tilfinningaþrungin tónlist sem sameinar DIY trommuheila og smekklegar lagasmíðar. Tár á kinn, snúningur í mjöðm og einstaka hetjusóló. Meðmælt!

Alan Wilkis - 'I Wanna Know' mp3
Alan Wilkis - 'Burnin'' mp3

Kínversk díva

Nei ég veit ekki, hef ekki hugmynd hver þetta er, en fallegt engu að síður. Ef einhver þarna veit meir, endilega sendið mér línu.
Cui Ping - 'This precious night' mp3

Ótrúlega falleg tónlist frá svöngum

Ég var að sýna á útskriftarsýningu Listaháskólans áðan. Gleðin var ótrúleg, og það að ná að ljúka stærsta og persónulegasta verkefni sem ég hef gert var ótrúlega gott. Eftir skjall-flóðbylgju kíkti ég með félögunum úr gamla bekknum mínum í LHÍ út að borða, og að fagna útskriftarverkinu. Endurfundirnir voru góðir, við furðuðumst öll á því að við hittumst ekki oftar, og svo var ég dauðþreyttur og ákvað að kíkja aðeins heim og hvíla mig uppí sófa.

Og þá kom spennufallið.

Ég lá uppí sófanum í massífu hell-i þangað til að Dagný dróg mig á lappir ákvað að viðra mig smá. Þegar ég kom aftur hingað áðan var ég ótrúlega búinn á því, en samt svo víraður eftir daginn, að ég get ekki sofnað.

Hvað hefur þetta með niðurhali á móðins tónlist spyrð þú þig væntanlega núna. Þú, lesandi góður, ert væntanlega réttilega hneykslaður á þvílíku eindæmis tilfinningabloggi á breiðholtinu. Og réttilega svo. En ég er að koma að pointinu.

Ég settist niður við tölvuna, og fór að hlusta á lagið Cosmonauts með Hungry and the Burger. H&tB er nýtt verkefni hins mjög-svo-duglega Árna Plúseins. Á meðan að útgáfumál hafa verið að klárast á FM Belfast hefur hann verið að dunda sér að gera rólegri og hugljúfari músík en hann hefur verið þekktur fyrir áður, en samt með þessum melódíska sans sem hefur einkennt fyrri verk hans. Í helluðu spennufalli er fátt betra en að hlusta á tónlist eins og þetta. Þetta er svona tónlist, sem eftir nokkrar hlustanir skilur þig eftir með hina óræðu tilfinningu að það verði allt allt í lagi, einhvernveginn.

Ég læt fljóta með tóndæmi, en ég mæli með því að þið skellið ykkur á myspace'ið hjá H&tB og sækið öll lögin, og skellið í playlista í iTunes sem heitir "allt-verður-í-lagi". Það þurfa allir á þessum playlista að halda annað slagið.


Hungry and the Burger - Cosmonauts mp3

» Þið getið sótt fleiri lög á myspace.com/hungryandtheburger

Listrænt Fret

Ég tel það viðeigandi fyrir opnun útskriftarsýningar Listaháskólans, að koma með nokkur artý og framúrstefnuleg nýbylgjulög. Gallsúr og alfróð um myndlist og svissneska hönnun. Sjáumst niðri á Kjarvalsstöðum.

Orchestral Manoeuvres in the Dark - 'The New Stone Age' mp3
Pylon - 'M-Train' mp3

Og að sjálfsögðu keisarar listarokksins, Talking Heads:
Talking Heads - 'Life During Wartime (This Ain't no disco)' mp3

PS
Svo bjóðum við lesendur Eyjunnar velkomna í hópinn. Knús og alpahúfur til ykkar.

Hin Þriðja

Portishead voru aldrei í miklu upáhaldi hjá mér þegar triphop geysaði um heiminn. Þau voru alltof mikið lounge-jazz eitthvað. Bakgrunnstónlist þegar sýnt var frá tískusýningu í lok kvöldfrétta. Ég var frekar fyrir Massive Attack og Earthling (en það segir auðvitað voða lítið, enda var þetta allt sama pakkið). Blessunarlega sukku svo triphop, jungle og Buffaloskór með seglskipinu '1993' og lífið hélt sinn gang.

En nú virðast íkon grunnskólaáranna vera að snúa aftur. Tracey Thorn gaf nýlega út frábæra plötu og nú eru Portishead komin með nýtt efni einsog ekkert hafi í skorist.

Nei nú lýg ég, það hefur fullt í skorist. Þau eru með nýtt og betra sánd og í þetta sinn er ég tilbúinn að kaupa plötu með þeim. Hún heitir 'Third' og er á leiðinni í búðir. Nútímaleg nostalgía.

Hljóðdæmi...

Rólegheit sem minna á það sem Goldfrapp eru að gera þessa dagana. Leiðir út í taktfastari pælingar.
Portishead - 'The Rip' mp3

Proggað og industrial. Minnir mig svolítið á Silver Apples eða Throbbing Gristle.
Portishead - 'We Carry On' mp3

Og demanturinn í hringnum. Alveg ofboðslega flott og í raun varla hægt að lýsa því. Sveinbjörn spilaði þetta í Fönkþættinum um daginn og ég ætlaði um koll að keyra. Bara wá.
Portishead - 'Machine Gun' mp3

Kaupa

I LIKE NUDITY

Liðið sem mun fara fyrir frakklandshönd í júróvíson í ár er svo sannarlega ójúróvísonlegt. I like.




Finnst samt þetta video með þeim líka bilað flott. Fíla hvað frakkar eru frjálsir með nektina og ástina. Ég er farin heim að striplast með vasaljós undir sæng. djók...

Lag. Gott.

Stutt og laggott. Ég er svolítið upptekinn við vinnu þessa stundina, auk þess að vera í samúðarstressi með nemendum Listaháskólans sem eru með útskriftarsýninguna sína á laugardaginn. Þá er auðvitað lausnin að hlusta á sprengifima eitís-revival-mússík sem tosar mann áfram á naflahárunum.

Hér er foringinn sjálfur, Snoop Dogg að taka lag sem Morris Day & The Time gerðu vinsælt fyrir lifandi skelfings löngu síðan:

Snoop Dogg - 'Cool' mp3

Það er auðvitað ekki séns að ég sleppi ykkur án þess að setja inn orginalinn líka. Þetta dró Sveinbjörn uppúr kassettuhrúgunni sinni og gaf mér.

The Time - 'Cool' mp3

What Time Is it!!!

Diskóstuð frá Munk

Nýtt efni frá vinum okkar hjá Gomma:
Við Breiðhyltingar höfum lengi verið hrifin af Munk. Skemmst er að minnast snilldarlegs remix sem hann og James Murphy (LCD Soundsystem/DFA) gerðu af laginu Kick Out The Chairs sem við fjölluðum um hér og hér.

Munk er þessa dagana að gefa út nýja breiðskífu, Cloudbuster, og þetta lag, Catch Me If You Can, er smáskífa af plötunni. Honum til halds og trausts í laginu er Asia Argento, dóttir splatterleikstjórans Dario Argento. Google Image leit mín fyrir þessa grein leiddi svo í ljós að Asía er ekkert rosa hrifin af því að vera í fötum.



Ég er mjög hrifinn af tvemur remixum af laginu, og birti þau hér:

» Munk - Live Fast! Die Old! (Headman Remix)
» Munk - Live Fast! Die Old! (The Juan MacLean Remix)

S.P.E.I.S.

Ég eyði öllum dögum núna á KB að teikna letur fyrir útskriftarsýninguna, sem opnar á Kjarvalsstöðum næsta laugardag.

Hér vinnur einn barþjónn á dagvakt sem hefur þann sið að hlusta á The Eve of War með Jeff Wayne á hverjum degi. Þetta lag er af konsept plötu sem Jeff þessi gaf út 1978 ásamt meðlimum úr Thin Lizzy, Moody Blues, leikurum og fleirum. Ég hef ennþá ekki náð að hlusta á alla plötuna, en þetta lag er alveg magnað.

» Jeff Wayne - Eve of War

just pour me sorrow on the rocks

Ég og Lovísa munum vera að spila kántrý músík Sunnudagskvöldið á Dillon. Hittumst þar og drekkjum sorgum okkar með kántrýmúsík og bjór. Ætla ekki allir að mæta?

smá upphitun fyrir kvöldið

Jerry Lee Lewis- ' What's Made Milwakee Famous (Has Made a Loser Out of Me' mp3

J.J.Light - 'Hello, Hello, Hello' mp3

Hank Locklin - 'Please Help Me I'm Falling' mp3

Billy Walker - 'Sundown Mary' mp3

Folkhopp

Kalli vinur minn var að gauka að mér helvíti skemmtilegu rímixi með Feist. Það er nettur hress vorfílingur yfir þessu, eins og á að vera. Kalli hafði orð á því hversu skemmtilegur kontrastinn væri milli hins upprunalega lags Feist og þessa hlunklalega Hip-hop atgerfi sem K-Os setur lagið í, og ég held að ég sé nokk sammála því.

» Feist - Mushaboom (K-os Remix)

Annað lag sem ég hlusta mikið á þessa dagana er með píu sem heitir Nancy Nova. Hún er samtímamanneskja Kate Bush og áhrifin greinileg. Þetta er mikið dramatískt lag. Ef þið fílið þetta þá ættuð þið að tékka á Donna Slut, blogginu sem ég rændi þessu af. [Þið getið sótt annað lag með Nancy, The Force, og lesið meira um hana á Kontrapunkt.

» Nancy Nova - No No No

Halli vinur minn sem rekur m.a. Kontrapunkt tónlistarbloggið sendi á mig nýtt remix sem hann var að gera um daginn. Mixið, sem hann er enn að fikta í, er endurvinnsla á Kata Rokkar eftir Erlu Þorsteinsdóttur. Hann hefur tekið þetta gamla íslenska "rokk"lag og sett það í frekar fyndinn eitís tölvupopp búning.

» Halli Kontrapunktsson - Kata Rokkar Feitt (demo)

Sykurmenni

Sixto Rodriguez skreið úr egginu árið 1942 í Detroit, Michigan og hljóðritaði fáeinar plötur svona tveimur áratugum seinna. Ferillinn tók aldrei flug þrátt fyrir fyrirtaks lagsmíðar og hann hvarf í skugga fátæktar. Enn annað dæmi um að foreldrar okkar voru með bjánalegan smekk.

Einhverjum árum seinna fóru grúskarar fyrir neðan miðbaug að digga stöffið hans Sixto. Hann fór að verða költfyrirbæri í S-Afríku, Nýjasjálandi og Ástralíu og tók þá upp gítarinn að nýju. Frægðin hefur ekki ennþá svarað skilaboðunum, en Sixto leggur í ferðalög af og til þegar áhuginn kviknar hjá nýjum hópi sælkera.

Þrjú dæmi með kappanum. Eitt rólegt, eitt soldið harðara og svo hans allra besta lag og einkennissöngur, 'Sugar Man'.

Sixto Rodriguez - 'Silver Words' mp3
Sixto Rodriguez - 'Only Good For Conversation' mp3
Sixto Rodriguez - 'Sugar Man' mp3

Vor

Hail Social koma frá Philly, borg sem er fræg fyrir sína sérstöku tegund af sálartónlist. Það er einmitt mikil sál og innlifun í þessu skemmtilega elektrópoppi hérna. Ljúft og tilfinningaþrungið, grípandi og gaman að flauta með. Ekki skemmir hetjulegt gítarsóló fyrir. Gleðilegan frjádag.

Hail Social - 'No Paradise' mp3

Allir saman.

Ég vona að allir séu að hugsa fallega til vina okkar í Steed Lord, sem kúra uppi á spítala einmitt núna. Sendum þeim gleði og þrek í gegnum hugsana-radarinn og föðmum Svölu, Einar, Ella og Edda í hjartanu. Knús, krakkar.

Plimm

Plimsouls ku vera 19 ára undrabarn. Að auki gerir hann tónlist. Hann er frá Bristol en tónlistin hans er frá Fjörlandi. Mér finnst þetta vera skemmtilegt dót sem hann gerir, það má bæði dansa við þetta sem og borða hádegismat. Ef ég væri með sjónvarpsþátt sem gengi útá að mála broskalla á tenniskúlur, stelast inní nammiverksmiðju og að drekka te í rennibraut þá myndi Plimsouls sjá um stefið. Viltu vera með í þeim þætti? Umsóknareyðublöð liggja frammi í móttökunni.

Plimsouls - 'Plimsoul's Theme' mp3
Plimsouls - 'Contact' mp3

Sveitt Sveit

Ég er ennþá í funheitu kántrýstuði. Að auki er ég afar spenntur fyrir Kántrýkvöldi Laufeyjar og Lovísu sem er á sunnudaginn. Laufey á eflaust eftir að kynna og hita upp fyrir þá uppákomu þegar nær dregur en þangað til, pínu Tammy!

Tammy Wynette hefur varla verið mjög vinsæl hjá kvenréttindaáhugafólki. Hún söng oft og vel um hversu unaðslegt það er að vera undirgefin húsbónda sínum, frægast í laginu 'Stand By Your Man'. Hún predikaði um að fyrirgefa honum bjórdrykkjuna, sætta sig við framhjáhaldið og að bóna hnakkinn hans. Jafnvel að leyfonum að nota svo hnakkinn í rúminu? -Aldrei að vita, þessir sveitalubbar eru til alls líklegir.

Tammy Wynette - 'The Ways To Love A Man' mp3
Tammy Wynette - 'Good Lovin' (Makes It Right)' mp3

Allt gengur upp ef þú leyfir

Ég er mikið að krúsa á milli staða þessa dagana. Leikfimi, nokkur verkefni, nokkur DJ gigg, hópsýning á vegum GetRVK í Kaaber húsinu á morgun... Yep, keeping busy í kreppunni.

Hér eru þá nokkur keyrilög. Þegar ég heyri þetta stöff ímynda ég mér að Yarisinn minn sé í raun Dodge Charger eða eitthvað álíka ó-kreppu-bensínverðs-viðeigandi.

George Demure - 'Main Attraction' mp3
Cheap Trick - 'Everything Works If You Let It' mp3

Ég elska svona slow-burner stóner rokk. Er ég einn um það?
Earth - 'Aquamarina' mp3

Skammist ykkar!

Ég veit hvað þið eruð að gera um helgina en ég ætla að vera heima, hlusta á gospel og tala við Guð. Ég ráðlegg ykkur að gera slíkt hið sama... annars fariði til helvítis... bara láta ykkur vita.

Louvin brothers - 'Satan is real' mp3

The soul stirrers - 'wade in the water' mp3

Mahalia jackson - 'in the upper room' mp3

Oak ridge boys - 'you'll never walk alone' mp3

Ruth brown - 'walk with me lord' mp3

Ljósvakans Ljósvíkingar

Hey, munið að stilla inn á Fönkþáttinn á Xinu 9.77 í kvöld á milli ellefu og eitt eftir miðnætti.

Hinn eini sanni Sveinbjörn "okkar" Terrordisco er nýr meðstjórnandi Funkþáttarins ásamt hinum rótgróna (og síendurnærða) Don Balla Funk. Í kvöld verður sérstakur gestur þáttarins enginn annar en ég, Bobby Breiðholt. Planið er að láta mig mæta í hljóðverið einu sinni í mánuði og jarma um mússík og hver veit nema hljóðdæmi svamli á öldunum.

Heimsborgarar, Dreifarar og þeir sem afneita úreldri tækni einsog transistorútvörpum geta hlustað á netinu og verið afar móðins á nýju árþúsundi.

En já. Ekki vera pappakassar. Elektróník, dansimússík, diskó og breikbít á Xinu í kvöld og alla fimmtudaga.